رويتېرىس ئاگېنتلىقىنىڭ خەۋىرىگە قارىغاندا، خىتاي رەئىسى شى جىنپىڭ 2013-يىلىدىن بۇيان بىر قوللۇق ئىجرا قىلىپ كېلىۋاتقان «بىر بەلۋاغ بىر يول قۇرۇلۇشى» 24-ئۆكتەبىر رەسمىي ھالدا خىتاي كومپارتىيەسىنىڭ پارتىيە نىزامنامىسىگە كىرگۈزۈلگەن. شۇنىڭ بىلەن بىر ۋاقىتتا «شى جىنپىڭ ئىدىيەسى» ھەققىدىكى مەزمۇنلارمۇ پارتىيە نىزامنامىسىنىڭ تۈزىتىلگەن نۇسخىسىغا كىرگۈزۈلگەن. بۇنىڭ بىلەن شى جىنپىڭنىڭ «خىتاي چۈشى» ئىدىيەسى قانۇنىي ئاساسقا ئىگە بولۇپ، شى جىنپىڭنىڭ ھوقۇق دائىرىسىنىڭ تېخىمۇ زورىيىشىغا يول ئېچىلغان. خىتاي مەسىلىلىرى ساھەسىدىكى مۇتەخەسسىسلەر بۇ ھەقتە پىكىر قىلىپ، «بۇ، خىتاينىڭ تاشقى سىياسەتكە بارغانسېرى بەكرەك ئېتىۋار بېرىۋاتقانلىقىنى، شۇنىڭدەك شى جىنپىڭنىڭ خىتاينى دۇنيانىڭ خوجىسى قىلىش ئارزۇسىنىڭ ئېشىپ بېرىۋاتقانلىقىنى كۆرسىتىدۇ» دېگەن. مەلۇم بولۇشىچە، «بىر بەلۋاغ بىر يول قۇرۇلۇشى» نىڭ كەلگۈسى تەرەققىياتى ئۈچۈن ئۇيغۇرلار دىيارى ھەرقاچان «ئاچقۇچلۇق» ئامىل ھېسابلىنىدىكەن. خىتاي كومپارتىيەسىنىڭ 19-قۇرۇلتىيى ئېچىلغان تۇنجى كۈنى شى جىنپىڭ خىزمەت دوكلاتى بېرىپ، «بىر بەلۋاغ بىر يول قۇرۇلۇشىغا توسالغۇ بولىدىغان ھەرقانداق شەكىلدىكى ئاغدۇرمىچىلىق ياكى بۆلگۈنچىلىك قىلمىشىغا قاتتىق زەربە بېرىمىز» دېگەن ئىدى. چەتئەللەردىكى ئۇيغۇر كۆزەتكۈچىلىرى بۇنى ئۇيغۇرلار دىيارىدىكى قاتتىق قوللۇق سىياسەتنىڭ بۇندىن كېيىن تېخىمۇ ئېشىپ بېرىشى ھەققىدىكى سىگنال، دەپ قاراشقا بولىدىغانلىقىنى بىلدۈرگەن.

خىتاي دائىرىلىرى يېزىلاردىكى كەنت سېكرېتارلىق ئورنىنىمۇ خىتايلاشتۇرۇشقا باشلىغان

ئاھالىلەر: يېپىق تەربىيەلەش سەۋەبىدىن خوتەن چوڭ بازاردا ئۈچتىن بىر قىسىم دۇكانلار تاقالدى

غەربنىڭ گازىنى شەرققە يۆتكەش جىددىي داۋام قىلماقتا

غۇلامىدىن پاختانىڭ ھاياتى -23: مەن ئامېرىكىغا نېمە ئۈچۈن كەلدىم

كەنت ساقچىسى: ئىككىيۈزلىمىچىلەر گۇرۇھىنى پاش قىلىشتا قۇلاقلاردىن پايدىلاندىم

دۆڭئاشتى كەنتىدە ۋاڭ دەۋرىدە 1، جاڭ دەۋرىدە 15، چېن دەۋرىدە 65 كىشى تۈرمىگە تاشلانغان

خىتايدا داۋاملىشىۋاتقان ئادەم ئىچكى ئەزالىرىنى يۆتكەش ئىنكاس قوزغىماقتا

گۇماندارلارنى قوغلاپ تۇتۇشقا قاتناشقان بىر ئاھالە: قىسمىتىمىز شۇ گۇماندارلاردىن پەرقلىق بولمىدى

خىتاينىڭ شىنجېن شەھىرىدە ئۇيغۇرغا ياتاق بەرگەن مېھمانخانا دىرېكتورى جازالانغان