ﺏ ﺩ ﺕ ﺩﺍ ﻛﯚﺭﮔﻪﻥ – ﺑﯩﻠﮕﻪﻧﻠﯩﺮﯨﻢ – 1

ﺑﯩﺮ ﻛﯜﻧﻰ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻢ ﺋﻮﻏﻠﻰ ﺑﯩﻠﻪﻥ ﺑﺎﺯﺍﺭﻏﺎ ﻣﯧﯖﯩﭙﺘﯘ. ﺋﻪﭘﻪﻧﺪﯨﻢ ﺋﯩﺸﻪﻛﻜﻪ ﻣﯩﯖﻪﻥ، ﺋﻮﻏﻠﻰ ﺋﻪﮔﻪﺷﻜﻪﻥ ﮪﺎﻟﺪﺍ ﻛﯧﺘﯩﯟﺍﺗﺴﺎ، ﻳﻮﻝ ﺑﻮﻳﯩﺪﯨﻜﻰ ﺑﯩﻜﺎﺭ ﺗﻪﻟﻪﭘﻠﻪﺭ ﺩﯦﻴﯩﺸﯩﭙﺘﯘ: <<ﻗﺎﺭﺍﯕﻼﺭ ﺋﻪﭘﻪﻧﺪﯨﻤﮕﻪ، ﻛﯩﭽﯩﻜﻜﯩﻨﻪ ﺑﺎﻟﯩﺴﯩﻨﻰ ﭘﯩﻴﺎﺩﻩ ﻣﺎﯕﺪﯗﺭﯗﭖ، ﺋﯚﺯﻯ ﺋﯩﺸﻪﻛﻜﻪ ﻣﯩﻨﯩﯟﺍﭘﺘﯘ>>. ﺋﻪﭘﻪﻧﺪﯨﻢ ﺑﯘ ﮔﻪﭘﻨﻰ ﺋﺎﯕﻼﭖ ﺋﻮﯕﺎﻳﺴﯩﺰﻟﯩﻨﯩﭗ، ﺋﻮﻏﻠﯩﻨﻰ ﺋﯩﺸﻪﻛﻜﻪ ﻣﯩﻨﺪﯛﺭﯛﭖ، ﺋﯚﺯﻯ ﺋﺎﺭﻗﯩﺪﯨﻦ ﺋﻪﮔﯩﺸﯩﭗ ﻣﯧﯖﯩﭙﺘﯘ. ﻳﻮﻝ ﺑﻮﻳﯩﺪﯨﻜﻰ ﺑﯩﺮﻟﯩﺮﻯ ﻳﻪﻧﻪ ﺷﯘﻧﺪﺍﻕ ﺩﯦﻴﯩﺸﯩﭙﺘﯘ: <<ﻗﺎﺭﺍﯕﻼﺭ، ﻛﯩﭽﯩﻜﻜﯩﻨﻪ ﺑﺎﻟﯩﻨﻰ ﺋﯩﺸﻪﻛﻜﻪ ﻣﯩﻨﺪﯛﺭﯛﭖ ﻗﻮﻳﯘﭖ، ﺷﯘ ﺳﺎﻗﯩﻠﻰ ﺑﯩﻠﻪﻥ ﺋﯚﺯﻯ ﺋﺎﺭﻗﯩﺪﯨﻦ ﭘﯩﻴﺎﺩﻩ ﻣﯧﯖﯩﭙﺘﯘ. ﺋﺎﺧﻤﺎﻗﻠﯩﻖ-ﺩﻩ، ﺑﯘ!>>. ﺋﻪﭘﻪﻧﺪﯨﻦ ﻳﻪﻧﻪ ﺧﺎﺗﺎ ﻗﯩﻠﻐﺎﻥ ﺋﻮﺧﺸﺎﻳﻤﻪﻥ ﺩﻩﭖ ﺋﻮﻳﻼﭖ ﺋﯩﺸﻪﻛﻜﻪ ﺑﺎﻟﯩﺴﻰ ﺑﯩﻠﻪﻥ ﺑﯩﻠﻠﻪ ﻣﯩﻨﯩﭗ ﻣﯧﯖﯩﭙﺘﯘ. ﻳﻮﻝ ﺑﻮﻳﯩﺪﯨﻜﯩﻠﻪﺭ ﻳﻪﻧﻪ ﺩﯦﻴﯩﺸﯩﭙﺘﯘ: <<ﻗﺎﺭﺍﯕﻼﺭ، ﻧﯩﻤﻪ ﺩﯨﮕﻪﻥ ﺋﯩﻨﺴﺎﭘﺴﯩﺰﻟﯩﻖ ﺑﯘ؟ ﺑﯩﭽﺎﺭﻩ ﺋﯩﺸﻪﻛﻜﻪ ﺋﯩﻜﻜﻰ ﺋﺎﺩﻩﻡ ﻣﯩﻨﯩﯟﺍﻟﻐﯩﻨﻰ ﻧﯩﻤﯩﺴﻰ؟>>. ﺋﻪﭘﻪﻧﺪﯨﻢ ﺋﺎﻗﯩﯟﻩﺕ ﺋﯩﺸﻪﻛﻨﻰ ﻛﯚﺗﯜﺭﯛﭖ ﻣﯧﯖﯩﭙﺘﯘ. ﻳﻪﻧﻪ ﺑﯩﺮﻟﯩﺮﻯ ﺩﯦﻴﯩﺸﯩﭙﺘﯘ: <<ﮪﺎﻣﺎﻗﻪﺗﻠﯩﻚ-ﺩﻩ، ﺑﯘ؟ ﺗﻪﻳﻴﺎﺭ ﺋﯩﺸﻪﻛﻨﻰ ﻣﯩﻨﻤﻪﻱ، ﻛﯚﺗﯜﺭﯨﯟﺍﻟﻐﯩﻨﻰ ﻧﯩﻤﯩﺴﻰ؟ … >>

ﺑﯩﺰﺩﻩ، ﺋﻪﻧﻪ ﺷﯘﻧﺪﺍﻕ ﻗﺎﺷﺘﺎ ﺗﯘﺭﯨﯟﯦﻠﯩﭗ ﺑﺎﮪﺎ ﺑﯧﺮﯨﺪﯨﻐﺎﻧﻼﺭ، ﺋﯚﺯﯨﻨﯩﯔ ﺩﺍﻧﯩﺸﻤﻪﻧﻠﯩﻜﯩﻨﻰ ﻛﯚﺯ-ﻛﯚﺯ ﻗﯩﻠﯩﺪﯨﻐﺎﻥ، ﺋﻪﻣﻤﺎ ﺩﻩﯞﺍﻏﺎ ﻳﯧﻘﯩﻦ ﻳﻮﻟﯩﻤﺎﻳﺪﯨﻐﺎﻥ ﻳﻮﻝ ﺑﻮﻳﯩﺪﯨﻜﯩﻠﻪﺭ ﮪﻪﻗﯩﻘﻪﺗﻪﻥ ﻛﯚﭖ. ﺋﯘﻻﺭ ﻧﯩﻤﯩﻼ ﻗﯩﻠﺴﺎﯓ ﺋﯘﻧﯩﯖﺪﯨﻦ ﻗﯘﺳﯘﺭ ﺗﯧﭙﯩﺸﻘﺎ ﻗﺎﺩﯨﺮ. ﺏ ﺩ ﺕ ﺩﺍ ﺑﻮﻟﯘﭖ ﺋﯚﺗﻜﻪﻥ ﺋﯩﺸﻼﺭﺩﯨﻨﻤﯘ ﺗﯜﻙ ﺋﯜﻧﺪﯛﺭﯛﭖ ﻳﯜﺭﯨﺸﯩﺪﯗ.

<<ﺩﻩﯞﺍﻧﯩﯔ ﺋﯩﭽﯩﮕﻪ ﻛﯩﺮ، ﻗﺎﺑﯩﻠﯩﻴﯩﺘﯩﯖﻨﻰ ﺟﺎﺭﯨﻲ ﻗﯩﻠﺪﯗﺭ، ﺑﯩﺮﮔﻪ ﺋﯩﺸﻠﻪﻳﻠﻰ>> ﺩﯦﺴﻪﯓ ﺩﯨﻤﯩﻐﯩﻨﻰ ﻗﺎﻗﯩﺪﯗ. ﺋﻪﻣﻤﺎ ﺑﯘ ﺩﻩﯞﺍﻧﯩﯔ ﺋﻪﺳﻠﻰ ﭘﯩﺸﯩﯟﺍﺳﯩﺪﻩﻙ، ﺋﯚﺯﯨﺪﯨﻜﻰ ﯞﻩﺗﻪﻥ – ﻣﯩﻠﻠﻪﺕ ﺳﯚﻳﮕﯜﺳﻰ ﮪﯩﭽﻜﯩﻤﺪﻩ ﻳﻮﻗﺘﻪﻙ، ﺋﯚﺯﯨﺪﯨﻜﻰ ﺋﻪﻗﯩﻞ ﯞﻩ ﺩﺍﻧﯩﺸﻤﻪﻧﻠﯩﻜﻨﯩﯔ ﻗﻪﺩﺭﯨﻨﻰ ﺑﯩﻠﯩﺪﯨﻐﺎﻧﻼﺭ ﺗﯧﭙﯩﻠﻤﯩﻐﺎﻧﻠﯩﻘﻰ ﺋﯜﭼﯜﻥ ﻗﻮﺭﺳﺎﻕ ﻛﯚﭘﯩﻜﯩﻨﻰ ﺋﯩﺠﺘﯩﻤﺎﺋﯩﻲ ﺗﺎﺭﺍﺗﻘﯘﻻﺭﺩﺍ ﺋﯩﺰﮪﺎﺭ ﻗﯩﻠﯩﯟﺍﺗﻘﺎﻧﺪﻩﻙ ﻗﯘﺭﯗﻕ ﮔﻪﭘﻠﻪﺭ، ﭘﯩﺘﻨﯩﻠﻪﺭ ﺑﯩﻠﻪﻥ ﻛﯜﻥ ﺋﯚﺗﻜﯜﺯﯨﺪﯗ ﺑﻪﺯﯨﻠﻪﺭ. ﺩﻩﻝ ﻣﯘﺷﯘﻧﺪﺍﻕ ﺋﯩﻨﺴﺎﻧﻼﺭ ﺋﯜﭼﯜﻥ ﺑﯘ ﻳﺎﺯﻣﯩﻨﻰ ﻳﯧﺰﯨﯟﺍﺗﯩﻤﻪﻥ.

ﺩ ﺋﯘ ﻕ ﺭﻩﺋﯩﺴﻰ ﺩﻭﻟﻘﯘﻥ ﺋﻪﻳﺴﺎ 6 – ﺋﺎﯞﻏﯘﺳﺖ ﻛﯜﻧﻰ ﻗﯘﺭﯗﻟﺘﺎﻱ ﭘﺮﻭﮔﺮﺍﻣﻤﺎ ﻳﯩﺘﻪﻛﭽﯩﺴﻰ ﭘﯩﺘﯧﺮﺩﯨﻦ ﻛﯧﻴﯩﻦ ﺟﻪﻧﯟﻩﮔﻪ ﻛﻪﺗﻜﻪﻥ ﺋﯩﺪﻯ. ﺋﯘ ﺋﺎﻟﺪﯨﻦ ﺑﯧﺮﯨﭗ، ﺏ ﺩ ﺕ ﺩﯨﻜﻰ ﻏﻪﺭﺏ ﺋﻪﻟﻠﯩﺮﯨﻨﯩﯔ ﺑﯩﺮﻗﯩﺴﯩﻢ ﺋﻪﻟﭽﯩﻠﯩﺮﻯ، ﻛﯩﺸﯩﻠﯩﻚ ﮪﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﻛﯚﺭﯛﺷﯜﭖ، 96 – ﻧﯚﯞﻩﺗﻠﯩﻚ ﺋﯧﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻳﯩﻐﯩﻨﯩﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﯩﯔ ﻧﯘﻗﺘﯩﻠﯩﻖ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺸﻰ ﺋﯜﭼﯜﻥ ﺋﺎﺳﺎﺱ ﮪﺎﺯﯨﺮﻟﯩﻤﺎﻗﭽﻰ ﺑﻮﻟﻐﺎﻥ ﺋﯩﺪﻯ. ﺋﯘﻧﯩﯖﺪﯨﻦ ﺋﯩﻠﮕﯩﺮﻯ ﺟﻪﻧﯟﻩﮔﻪ ﻛﻪﺗﻜﻪﻥ ﭘﯩﺘﯧﺮ ﺑﯘ ﺧﯩﺰﻣﻪﺗﻠﻪﺭﻧﻰ ﺋﯩﺸﻠﻪﭖ ﻛﻪﻟﻤﻪﻛﺘﻪ ﺋﯩﺪﻯ.

ﺑﯩﺰ ﺋﻮﺭﯗﻧﻼﺷﺘﯘﺭﯗﺷﻼﺭﻏﺎ ﺑﯩﻨﺎﺋﻪﻥ 8 – ﺋﺎﯞﻏﯘﺳﺖ ﺟﻪﻧﯟﻩﮔﻪ ﻗﺎﺭﺍﭖ ﻳﻮﻟﻐﺎ ﭼﯩﻘﺘﯘﻕ. ﻳﻮﻟﻐﺎ ﭼﯩﻘﯩﺸﺘﯩﻦ ﺋﯩﻠﮕﯩﺮﻯ، ﺧﯩﺰﻣﻪﺕ ﺋﻮﺭﻧﯩﻤﯩﺰﺩﯨﻦ ﺭﯗﺧﺴﻪﺕ ﺳﻮﺭﺍﺷﻘﺎ، ﺋﯩﺸﺘﯩﻦ ﻗﻮﻏﻠﯩﻨﯩﭗ ﻛﯧﺘﯩﺶ ﺋﯩﮭﺘﯩﻤﺎﻟﻠﯩﻘﯩﻨﻰ ﻧﻪﺯﻩﺭﮔﻪ ﺋﯧﻠﯩﺸﻘﺎ ﺗﻮﻏﺮﺍ ﻛﻪﻟﮕﻪﻥ ﺋﯩﺪﻯ. ﭼﯜﻧﻜﻰ، ﻳﯧﻘﯩﻨﻘﻰ ﺋﺎﻱ – ﻛﯜﻧﻠﻪﺭﺩﻩ ﺑﯘﻧﺪﺍﻕ ﺳﻪﭘﻪﺭﻟﻪﺭ ﻛﯚﭘﯩﻴﯩﭗ ﻛﯧﺘﯩﯟﺍﺗﺎﺗﺘﻰ. ﺩ ﺋﯘ ﻕ ﻧﯩﯔ ﺑﯘ ﺧﯩﺰﻣﻪﺗﻠﯩﺮﯨﮕﻪ ﮪﻪﻣﻜﺎﺭﻻﺷﻘﺎﻧﻠﯩﻘﻤﯩﺰ ﺋﯜﭼﯜﻥ ﺑﯩﺰﮔﻪ ﺑﯩﺮﻟﯩﺮﯨﺪﯨﻦ ﻛﯧﻠﯩﺪﯨﻐﺎﻥ ﮪﻪﻕ ﻳﺎﻛﻰ ﻣﯘﻛﺎﭘﺎﺕ ﻳﻮﻕ ﺋﯩﺪﻯ. ﺋﯩﺸﺘﯩﻦ ﻗﻮﻏﻠﯩﻨﯩﭗ ﻛﻪﻟﺴﻪﻙ، ﺋﺎﺋﯩﻠﻪ ﻏﯧﻤﯩﮕﻪ ﺩﺍﻝ ﺑﻮﻟﯩﺪﯨﻐﺎﻥ ﻛﺎﭘﺎﻟﻪﺗﻤﯘ ﻳﻮﻕ ﺋﯩﺪﻯ. 20 ﻳﯩﻠﻠﯩﻖ ﺋﯚﻣﺮﯨﻤﯩﺰ ﻣﺎﻧﺎ ﻣﯘﺷﯘﻧﺪﺍﻕ ﻣﯩﻨﻨﻪﺗﺴﯩﺰ ﺑﻪﺩﻩﻝ ﺗﯚﻟﻪﺵ ﺑﯩﻠﻪﻥ ﺋﯚﺗﻜﻪﻥ ﺋﯩﺪﻯ. ﺑﯜﮔﯜﻧﻜﯩﺪﻩﻙ ﻣﯩﻠﻠﻪﺗﻨﯩﯔ ﺑﯧﺸﯩﻐﺎ ﺋﻪﯓ ﺋﯧﻐﯩﺮ ﭘﺎﺟﯩﺌﻪﻟﻪﺭ ﻛﯧﻠﯩﯟﺍﺗﻘﺎﻥ ﺑﯘ ﻛﯜﻧﻠﻪﺭﺩﻩ ﻗﻮﻟﯘﯕﺪﯨﻦ ﻛﻪﻟﮕﻪﻧﻨﻰ ﻗﯩﻠﻤﯩﺴﺎﯓ، ﯞﯨﺠﺪﺍﻧﯩﯔ ﻗﺎﻧﺪﺍﻕ ﺭﺍﮪﻪﺕ ﺑﻮﻟﺴﯘﻥ؟ ﺩﻩﭖ ﺋﻮﻳﻼﻳﺘﯘﻕ.

ﺋﻪﯓ ﺋﻪﺭﺯﺍﻥ ﺑﯩﻠﻪﺗﻨﻰ ﺋﯩﺰﺩﻩﭖ ﺗﯧﭙﯩﭗ ﺳﻪﭘﻪﺭ ﻗﯩﻠﯩﺶ ﺩ ﺋﯘ ﻕ ﺭﻩﺋﯩﺴﯩﻨﯩﯔ ﺩﺍﺋﯩﻤﻠﯩﻖ ﺋﺎﺩﯨﺘﻰ ﺑﻮﻟﻐﺎﭺ، ﺑﯩﺰﮔﯩﻤﯘ ﺷﯘﻧﺪﺍﻕ ﺋﻪﺭﺯﺍﻥ ﺑﯩﻠﻪﺕ ﺑﯩﺠﯩﺮﯨﭗ ﻗﻮﻳﻐﺎﻥ ﺋﯩﺪﻯ. ﭘﻪﺭﮪﺎﺕ ﻣﯘﮪﻪﻣﻤﯩﺪﻯ ﺋﯩﻜﻜﯩﻤﯩﺰﻧﻰ ﺟﻪﻧﯟﻩﺩﻩ ﺋﺎﻳﺮﯨﭙﻮﺭﺗﻘﺎ ﺗﯘﺭﺳﯘﻧﺠﺎﻥ ﺑﯩﻠﻪﻥ ﺑﯩﺮﮔﻪ ﺋﯚﺯﻯ ﺋﺎﻟﺪﯨﻤﯩﺰﻏﺎ ﭼﯩﻘﯩﭗ ﻛﯜﺗﯩﯟﺍﻟﺪﻯ. ﺗﯘﺭﺳﯘﻧﺠﺎﻥ ﺋﺎﺋﯩﻠﯩﺴﻰ ﺑﯩﻠﻪﻥ ﺟﻪﻧﯟﻩﺩﻩ ﻳﺎﺷﺎﻳﺪﯨﻐﺎﻥ ﯞﻩﺗﻪﻧﭙﻪﺭﯞﻩﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﺩﯨﻦ ﺑﯩﺮﻯ ﺋﯩﺪﻯ.

_ ﺋﺎﻟﺪﻯ ﺑﯩﻠﻪﻥ ﺗﯘﺭﺳﯘﻧﺠﺎﻧﻨﯩﯔ ﺋﯚﻳﯩﺪﻩ ﻗﻮﺭﺳﺎﻕ ﺗﻮﻗﻼﻳﻠﻰ، ﺋﺎﻧﺪﯨﻦ ﻳﺎﺗﺎﻗﻘﺎ ﺋﻮﺭﯗﻧﻠﯩﺸﺎﻳﻠﻰ – ﺩﯦﺪﻯ، ﺩ ﺋﯘ ﻕ ﺭﻩﺋﯩﺴﻰ.

ﺑﯩﺰ ﺗﯘﺭﺳﯘﻧﺠﺎﻧﻨﯩﯔ ﺋﯚﻳﯩﮕﻪ ﻛﯩﺮﯨﭗ ﺋﯘﺯﯗﻥ ﺋﯚﺗﻤﻪﻳﻼ، ﺋﻮﺧﺸﯩﻐﺎﻥ ﭘﻮﻟﯘ ﯞﻩ ﺧﺎﻣﺴﻪﻳﻠﻪﺭ ﺩﺍﺳﺘﯩﺮﺧﺎﻧﻐﺎ ﻛﻪﻟﺘﯜﺭﯛﻟﺪﻯ. ﻗﻮﺭﺳﺎﻕ ﺗﻮﻳﻐﯩﭽﻪ ﻏﯩﺰﺍﻻﻧﺪﯗﻕ. ﻳﺎﯞﺭﯗﭘﺎﺩﯨﻜﻰ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﻧﯩﺴﭙﻪﺗﻪﻥ ﺷﯩﯟﯦﺘﺴﺎﺭﯨﻴﻪ ﺑﻪﻛﻼ ﻗﯩﻤﻤﻪﺗﭽﯩﻠﯩﻚ ﺋﯩﺪﻯ. 3 ﻛﯩﺸﯩﻨﯩﯔ ﺋﺎﺩﻩﺗﺘﯩﻜﻰ ﺑﯩﺮ ﯞﺍﻗﻠﯩﻖ ﺗﺎﻣﯩﻘﯩﻐﺎ 100 ﻳﺎﯞﺭﻭ ﻛﯩﺘﻪﺗﺘﻰ. ﺑﯩﺰﺩﻩﻙ ﻏﯘﺭﺑﻪﺗﭽﯩﻠﯩﻚ ﺑﺎﺳﻘﺎﻥ ﺯﯨﻴﺎﻟﯩﻼﺭ ﺋﯜﭼﯜﻥ ﺑﯘ ﺋﯧﻐﯩﺮ ﻛﯩﻠﻪﺗﺘﻰ. ﺷﯘﯕﺎ ﻗﻮﺭﺳﺎﻗﻨﻰ ﺭﺍﯞﯗﺭﯗﺱ ﺗﻮﻗﻠﯩﯟﺍﻟﺪﯗﻕ. ﺗﯘﺭﺳﯘﻧﺠﺎﻧﻨﯩﯔ ﮪﺎﺯﯨﺮﻻ ﺧﻮﺗﻪﻧﺪﯨﻦ ﭼﯩﻘﻘﺎﻧﺪﻩﻙ ﺗﻮﻟﯘﻕ ﺧﻮﺗﻪﻥ ﺷﯩﯟﯨﺴﯩﺪﻩ ﺳﯚﺯﻟﻪﻳﺪﯨﻐﺎﻥ ﺋﺎﻳﺎﻟﻰ ﺑﯩﺰﻧﻰ ﻗﻮﻟﯩﺪﯨﻦ ﻛﯧﻠﯩﺸﯩﭽﻪ ﻳﺎﺧﺸﻰ ﻛﯜﺗﯜﺷﻜﻪ ﺗﯧﺮﯨﺸﺘﻰ. ﺋﻮﻣﺎﻕ ﭘﻪﺭﺯﻩﻧﺘﻠﯩﺮﯨﻤﯘ ﺗﺎﺗﻠﯩﻖ ﺳﯚﺯﻟﯩﺮﻯ ﺑﯩﻠﻪﻥ ﮪﺎﺭﺩﯗﻗﯩﻤﯩﺰﻧﻰ ﭼﯩﻘﺎﺭﺩﻯ. ﺋﯘﻧﯩﯔ 4 ﭘﻪﺭﺯﻩﻧﺘﻰ ﺑﺎﺭ ﺋﯩﻜﻪﻥ. ﻣﺎﺷﺎﺋﺎﻟﻼﮪ!

ﺑﯩﺰ ﺑﯘ ﺋﺎﺭﯨﺪﺍ، ﻳﻮﻟﺪﯨﺸﻰ ﻓﺮﺍﻧﺴﯘﺯ ﺑﻮﻟﻐﺎﻥ ﺑﯩﺮ ﺋﯘﻳﻐﯘﺭ ﻗﯩﺰ ﺑﯩﻠﻪﻧﻤﯘ ﺑﯘ ﺋﯚﻳﺪﻩ ﺗﻮﻧﯘﺷﯘﭖ ﻗﺎﻟﺪﯗﻕ. ﺑﯘ ﻗﯩﺰﻧﯩﯔ ﺧﯩﺰﻣﯩﺘﻰ ﻣﻪﻟﯘﻡ ﺑﯩﺮ ﻛﯩﺸﯩﻠﯩﻚ ﮪﻮﻗﯘﻕ ﺗﻪﺷﻜﯩﻼﺗﯩﺪﺍ ﺋﯩﻜﻪﻥ. ﺑﯘ ﺋﻪﻟﯟﻩﺗﺘﻪ ﺑﯩﺰ ﺋﯜﭼﯜﻥ ﭘﺎﻳﺪﯨﻠﯩﻖ ﺋﯩﺪﻯ.
ﺑﯩﺰ ﺗﯘﺭﺳﯘﻧﺠﺎﻧﻨﯩﯔ ﺋﯚﻳﯩﺪﯨﻦ ﭼﯩﻘﯩﭗ ﻳﺎﺗﺎﻗﻘﺎ ﺋﻮﺭﯗﻧﻠﯩﺸﯩﺶ ﺋﯜﭼﯜﻥ ﻣﺎﯕﺪﯗﻕ. „ﮪﻪﺭﮪﺎﻟﺪﺍ ﺋﻪﺭﺯﺍﻧﺮﺍﻕ ﺑﯩﺮ ﻣﯩﮭﻤﺎﻧﺨﺎﻧﯩﻐﺎ ﺋﻮﺭﯗﻧﻠﯩﺸﯩﻤﯩﺰ ﮪﻪﻗﺎﭼﺎﻥ“، ﺩﻩﭖ ﺋﻮﻳﻠﯩﺪﯨﻢ ﯞﻩ ﺳﻮﺭﯨﺪﯨﻢ:

_ ﻳﺎﺗﺎﻕ ﻗﻪﻳﻪﺭﺩﻩ؟ ﻗﺎﻧﭽﻪ ﻛﯩﺸﯩﻠﯩﻚ؟

ﺩ ﺋﯘ ﻕ ﺭﻩﺋﯩﺴﻰ ﺩﻭﻟﻘﯘﻥ ﺋﻪﻳﺴﺎ ﺟﺎﯞﺍﭖ ﺑﻪﺭﺩﻯ:

_ ﻳﺎﺗﺎﻕ ﻓﺮﺍﻧﺴﯩﻴﻪ ﺗﻪﺭﻩﭘﺘﻪ. ﺟﻪﻧﯟﻩﺩﻩ ﻳﺎﺗﺎﻕ ﺑﻪﻛﻼ ﻗﯩﻤﻤﻪﺕ. ﺷﯘﯕﺎ ﺋﻪﺭﺯﺍﻥ ﭘﯩﻨﺴﯩﻴﻮﻥ (ﺗﺎﻣﺎﻕ ﺋﻪﺗﻜﯩﻠﻰ ﺑﻮﻟﯩﺪﯨﻐﺎﻥ، ﺋﻪﺭﺯﺍﻥ ﺑﺎﮪﺎﻟﯩﻖ ﻳﺎﺗﺎﻕ)ﺩﯨﻦ ﺋﯩﻜﻜﻰ ﻳﺎﺗﺎﻕ ﺋﺎﻟﺪﯗﻕ. ﺋﻪﺗﯩﮕﯩﻨﻰ ﺷﯟﯦﺘﺴﺎﺭﯨﻴﻪﮔﻪ ﻛﯩﺮﯨﭗ ﺋﯩﺸﻠﯩﺮﯨﻤﯩﺰﻧﻰ ﻗﯩﻠﯩﻤﯩﺰ، ﺋﺎﺧﺸﯩﻤﻰ ﻓﺮﺍﻧﺴﯩﻴﻪﮔﻪ ﺋﯚﺗﯜﭖ ﻳﺎﺗﺎﻗﺘﺎ ﻳﺎﺗﯩﻤﯩﺰ.

_ ﺋﯘ ﮪﺎﻟﺪﺍ، ﻳﻮﻟﺪﯨﻦ ﮔﯚﺵ، ﺳﻪﻱ – ﻛﯚﻛﺘﺎﺕ ﺋﯧﻠﯩﯟﺍﻻﻳﻠﻰ. ﺗﺎﻣﺎﻗﻨﻰ ﺋﯚﺯﯨﻤﯩﺰ ﺋﯧﺘﯩﭗ ﻳﻪﻳﻠﻰ، – ﺩﯦﺪﯨﻢ.

ﺑﯘ، ﻣﯘﺷﯘﺧﯩﻞ ﻳﻮﺳﯘﻧﺪﯨﻜﻰ ﺑﯩﺮﯨﻨﭽﻰ ﻗﯧﺘﯩﻤﻠﯩﻖ ﺳﻪﭘﻪﺭ ﺑﻮﻟﻤﯩﻐﺎﭺ، ﻳﺎﺗﺎﻕ، ﺗﺎﻣﺎﻕ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ ﺗﻮﻏﺮﺍ ﻛﯩﻠﻪﺗﺘﻰ. ﺑﯩﺰ ﻓﺮﺍﻧﺴﯩﻴﻪ ﺗﻪﺭﻩﭘﻜﻪ ﺋﯚﺗﯜﭘﻼ، ﺑﯩﺮ ﺗﯜﺭﻙ ﺑﺎﻗﻘﺎﻟﻨﯩﯔ ﺩﯗﻛﯩﻨﯩﺪﯨﻦ ﮔﯚﺵ، ﻛﯚﻛﺘﺎﺕ، ﺗﻪﻳﻴﺎﺭﭼﯚﭖ، ﻳﺎﻍ، ﺗﯘﺯ، ﺗﯘﺧﯘﻡ ﺩﯨﮕﻪﻧﺪﻩﻙ ﻧﻪﺭﺳﯩﻠﻪﺭﻧﻰ ﺳﯧﺘﯩﯟﯦﻠﯩﭗ ﻳﺎﺗﺎﻗﻘﺎ ﺑﺎﺭﺩﯗﻕ. ﭘﻪﺭﮪﺎﺕ ﻣﯘﮪﻪﻣﻤﺪﻯ ﺋﯩﻜﻜﯩﻤﯩﺰ ﺋﺎﺩﺩﯨﻴﻼ ﺑﯩﺮ ﻳﺎﺗﺎﻗﻘﺎ ﺋﻮﺭﯗﻧﻼﺷﺘﯘﻕ. ﻳﺎﺗﺎﻕ ﻳﯧﯖﻰ ﮪﺎﻛﻼﻧﻐﺎﻥ ﺑﻮﻟﺴﯩﻤﯘ، ﻛﻮﻧﯩﻠﯩﻘﯩﺪﯨﻦ ﮪﻪﻣﻤﻪ ﻳﯧﺮﻯ ﺗﯚﻛﯜﻟﯜﭖ ﺗﯘﺭﯨﯟﺍﺗﻘﺎﻧﺪﻩﻙ ﺑﯩﻠﯩﻨﻪﺗﺘﻰ.

ﺋﻪﺗﯩﺴﻰ 9 – ﺋﺎﯞﻏﯘﺳﺖ ﺋﻪﺗﯩﮕﻪﻥ ﺳﺎﺋﻪﺕ 8:35 ﺋﯚﺗﻜﻪﻧﺪﻩ ﺟﻪﻧﯟﻩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺑﯩﺮ ﺯﺍﻟﯩﻐﺎ ﻳﯩﻐﯩﻦ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﻮﻟﯘﭖ، ﺑﯘ ﻳﯩﻐﯩﻨﻐﺎ 20 ﮔﻪ ﻳﯧﻘﯩﻦ ﺧﻪﻟﻘﺎﺭﺍﻟﯩﻖ ﺗﻪﺷﻜﯩﻼﺗﻨﯩﯔ ﯞﻩﻛﯩﻠﻠﯩﺮﻯ ﯞﻩ ﺏ ﺩ ﺕ ﻧﯩﯔ ﺋﯧﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻛﻮﻣﯩﺘﯧﺘﯩﻨﯩﯔ 8 ﻧﻪﭘﻪﺭ ﺧﺎﺩﯨﻤﻰ ﻗﺎﺗﻨﯩﺸﯩﺪﯨﻜﻪﻥ. ﺑﯩﺰ ﺳﻪﮪﻪﺭ ﺋﻮﺭﻧﯩﻤﯩﺰﺩﯨﻦ ﺗﯘﺭﯗﭖ، ﺗﯘﺧﯘﻡ ﻗﻮﺭﯗﭖ ﻧﺎﺷﺘﺎ ﻗﯩﻠﯩﭙﻼ ﺋﺎﻟﺪﯨﺮﺍﭖ ﻳﻮﻟﻐﺎ ﭼﯩﻘﺘﯘﻕ. ﺟﻪﻧﯟﻩﮔﻪ ﻛﯩﺮﯨﭗ، ﯞﯨﻠﺴﻮﻥ ﻣﻪﺭﻛﯩﺰﻯ ﺋﻪﺗﺮﺍﭘﯩﻐﺎ ﺟﺎﻳﻼﺷﻘﺎﻥ ﺑﯘ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﺯﺍﻟﯩﻐﺎ ﻳﯧﺘﯩﭗ ﻛﻪﻟﺴﻪﻙ، ﺗﯧﺨﻰ ﺑﺎﺷﻘﯩﻼﺭ ﻛﻪﻟﻤﯩﮕﻪﻥ ﺋﯩﻜﻪﻥ. ﭘﯜﺗﯜﻥ ﺋﯩﺴﻰ – ﻳﺎﺩﯨﻤﯩﺰ ﺑﯘ ﻗﯧﺘﯩﻤﻘﻰ 96 – ﻧﯚﯞﻩﺗﻠﯩﻚ ﺋﯧﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻳﯩﻐﯩﻨﯩﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﺋﺎﺳﺎﺳﯩﻲ ﻣﻪﺳﯩﻠﻪ ﮪﺎﻟﯩﻐﺎ ﻛﻪﻟﺘﯜﺭﯛﺵ ﺑﻮﻟﻐﺎﭺ، ﺏ ﺩ ﺕ ﺧﺎﺩﯨﻤﻠﯩﺮﯨﻐﺎ ﻧﯩﻤﯩﻠﻪﺭﻧﻰ ﺋﺎﯕﻠﯩﺘﯩﺶ، ﻗﺎﻳﺴﻰ ﻧﯘﻗﺘﯩﻼﺭﻧﻰ ﮔﻪﯞﺩﯨﻠﻪﻧﺪﯛﺭﯛﺵ ﮪﻪﻗﻘﯩﺪﻩ ﺋﻮﻳﻠﯩﻨﺎﺗﺘﯘﻕ. ﭼﯜﻧﻜﻰ، ﺑﯘ ﻳﻪﺭﺩﻩ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﺪﯨﻦ ﺳﯩﺮﺕ، ﺗﯩﺒﻪﺕ، ﺧﻮﯕﻜﻮﯓ، ﺋﺎﺋﯘﻣﯩﻦ ﯞﻩ ﺧﯩﺘﺎﻱ ﺧﻪﻟﻘﯩﻨﯩﯔ ﻣﻪﺳﯩﻠﯩﺴﯩﻤﯘ ﺑﺎﺭ ﺋﯩﺪﻯ. 20 ﮔﻪ ﻳﯧﻘﯩﻦ ﺗﻪﺷﻜﯩﻼﺗﻨﯩﯔ ﮪﻪﻣﻤﯩﺴﯩﻼ ﺋﯧﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻛﻮﻣﯩﺘﯧﺘﯩﻐﺎ ﺩﻭﻛﻼﺕ ﺗﻪﻗﺪﯨﻢ ﻗﯩﻠﻐﺎﻥ ﺑﻮﻟﻐﺎﭺ، ﮪﻪﺭﺑﯩﺮ ﺗﻪﺷﻜﯩﻼﺕ 10 ﺑﻪﺗﻠﯩﻚ ﺩﻭﻛﻼﺕ ﺗﻪﻗﺪﯨﻢ ﻗﯩﻠﻐﺎﻥ ﺗﻪﻗﺪﯨﺮﺩﯨﻤﯘ 200 ﺑﻪﺗﻠﯩﻚ ﺩﻭﻛﻼﺕ ﺑﻮﻻﺗﺘﻰ. ﺏ ﺩ ﺕ ﺧﺎﺩﯨﻤﻠﯩﺮﻯ ﺑﯘﻻﺭﻧﯩﯔ ﮪﻪﻣﻤﯩﺴﯩﻨﻰ ﻛﯚﺭﯛﭖ ﺑﻮﻻﻟﻤﺎﻳﺘﻰ ﻳﺎﻛﻰ ﺋﻮﻗﯩﻐﺎﻧﻠﯩﺮﻯ ﺋﯧﺴﯩﺪﯨﻦ ﻛﯚﺗﯜﺭﯛﻟﯜﭖ ﻗﯧﻠﯩﺸﻰ ﻣﯜﻣﻜﯩﻦ ﺋﯩﺪﻯ. ﺩ ﺋﯘ ﻕ ﺭﻩﺋﯩﺴﻰ ﺩﻭﻟﻘﯘﻥ ﺋﻪﻳﺴﺎ ﺑﯘ ﻧﯘﻗﺘﯩﻨﻰ ﻧﻪﺯﻩﺭﮔﻪ ﺋﯧﻠﯩﭗ، ﻗﯩﺴﻘﺎ – ﻗﯩﺴﻘﺎ ﺋﯜﺯﯛﻧﺪﯨﻠﻪﺭ ﺋﺎﺭﻗﯩﻠﯩﻖ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺗﻮﻏﺮﯨﺴﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯩﻠﯩﺪﯨﻐﺎﻥ ﺗﯧﻤﯩﻼﺭﻧﻰ ﺋﯘﻻﺭﻏﺎ ﺗﻪﻛﺮﺍﺭ – ﺗﻪﻛﺮﺍﺭ ﻳﻪﺗﻜﯜﺯﯛﭖ ﺗﯘﺭﻏﺎﻥ ﺋﯩﺪﻯ. ﺋﯘﻧﯩﯔ ﺋﯜﺳﺘﯩﮕﻪ، ﺏ ﺩ ﺕ ﺧﺎﺩﯨﻤﻠﯩﺮﯨﻨﯩﯔ ﺑﻪﺯﯨﻠﯩﺮﻯ ﺋﻪﯕﯩﻠﯩﺰﭼﻪ ﺑﯩﻠﻤﻪﻳﺪﯨﻐﺎﻥ ﺑﻮﻟﻐﺎﭺ، ﻓﺮﺍﻧﺴﯘﺯﭼﻪ ﺳﯚﺯﻟﻪﻳﺪﯨﻐﺎﻧﻼﺭﻏﺎ ﺩ ﺋﯘ ﻕ ﺗﻪﻳﻴﺎﺭﻟﯩﻐﺎﻥ ﺩﻭﻛﻼﺗﻨﻰ ﻓﺮﺍﻧﺴﯘﺯﭼﯩﮕﻪ ﺗﻪﺭﺟﯩﻤﻪ ﻗﯩﻠﯩﭗ ﻳﻮﻟﻼﭖ ﺑﯧﺮﯨﺸﻜﻪ ﺗﻮﻏﺮﺍ ﻛﻪﻟﮕﻪﻥ ﺋﯩﺪﻯ. ﺩﻭﻟﻘﯘﻥ ﺋﻪﻳﺴﺎ ﺑﯘ ﺋﯩﺸﻼﺭﻧﻰ ﺋﻪﯓ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﺟﺎﻳﯩﺪﺍ ﺑﯩﺠﯩﺮﯨﭗ ﮪﻪﻝ ﻗﯩﻠﻐﺎﻥ ﺋﯩﻜﻪﻥ.

ﻳﯩﻐﯩﻦ ﺑﺎﺷﻠﯩﻨﯩﺸﺘﯩﻦ ﺋﯩﻠﮕﯩﺮﻯ، ﮪﻪﻣﻤﯩﻤﯩﺰﻧﯩﯔ ﻗﻮﻝ ﺗﯧﻠﯧﻔﯘﻧﻠﯩﺮﻯ ﻳﯩﻐﯩﯟﯦﻠﯩﻨﯩﭗ ﻳﯩﻐﯩﻦ ﺯﺍﻟﯩﺪﯨﻦ ﺋﺎﭼﯩﻘﯩﯟﯦﺘﯩﻠﺪﻯ. ﺧﺎﺗﯩﺮﻩ ﻗﺎﻟﺪﯗﺭﯗﺷﻘﺎ ﺭﯗﺧﺴﻪﺕ ﻗﯩﻠﯩﻨﻤﯩﺪﻯ. ﺧﻪﻟﻘﺎﺭﺍ ﺗﻪﺷﻜﯩﻼﺗﻼﺭ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺏ ﺩ ﺕ ﻧﯩﯔ 8 ﻧﻪﭘﻪﺭ ﺧﺎﺩﯨﻤﻰ ﻛﻪﯓ ﻛﻪﺗﻜﻪﻥ 4 ﭼﺎﺳﺎ ﺋﯜﺳﺘﻪﻝ ﺋﻪﺗﺮﺍﭘﯩﺪﺍ ﭼﯚﺭﯨﺪﻩﭖ ﺋﻮﻟﺘﯘﺭﺩﻯ. ﻳﯩﻐﯩﻦ ﺯﺍﻟﻰ ﺗﯧﻨﯩﭻ ﮪﻪﻡ ﺳﯜﺭﻟﯩﻚ ﺋﯩﺪﻯ.

ﺑﯘ ﻳﯩﻐﯩﻨﻨﯩﯔ ﻣﻪﺧﭙﯩﻴﻪﺗﻠﯩﻜﯩﻨﻰ ﺳﺎﻗﻼﺵ ﮪﺎﺯﯨﺮﻣﯘ ﻣﻪﺟﺒﯘﺭﯨﻴﻪﺕ ﺑﻮﻟﻐﺎﭺ، ﺑﯘ ﮪﻪﻗﺘﻪ ﺋﺎﺭﺗﯘﻕ ﺳﯚﺯﻟﯩﻤﻪﻳﻤﻪﻥ. ﺋﻪﻣﻤﺎ ﻳﯩﻐﯩﻨﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ 90% ﺋﺎﯞﺍﺯ ﺑﯩﻠﻪﻥ ﻣﯘﺯﺍﻛﯩﺮﯨﻨﯩﯔ ﺋﺎﺳﺎﺳﻠﯩﻖ ﺗﯧﻤﯩﺴﯩﻐﺎ ﺋﺎﻳﻼﻧﻐﺎﻥ ﺋﯩﺪﻯ. ﺧﻪﻟﻘﺎﺭﺍ ﻛﯩﺸﯩﻠﯩﻚ ﮪﻮﻗﯘﻕ ﺗﻪﺷﻜﯩﻼﺗﻠﯩﺮﯨﻤﯘ، ﺧﯩﺘﺎﻱ ﺩﯦﻤﻮﻛﺮﺍﺗﻠﯩﺮﻯ، ﮪﻪﺗﺘﺎ ﺗﯩﺒﻪﺕ ﯞﻩ ﺧﻮﯕﻜﻮﯕﻠﯘﻕ ﭘﺎﺋﺎﻟﯩﻴﻪﺗﭽﯩﻠﻪﺭﻣﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺟﺎﺯﺍ ﻻﮔﯩﺮﻟﯩﺮﻯ ﻣﻪﺳﯩﻠﯩﺴﯩﻨﻰ ﻧﯘﻗﺘﯩﻠﯩﻖ ﺋﻮﺗﺘﯘﺭﯨﻐﺎ ﻗﻮﻳﯩﯟﺍﺗﺎﺗﺘﻰ. ﺩ ﺋﯘ ﻕ ﺭﻩﺋﯩﺴﯩﻨﯩﯔ ﺋﺎﻟﺪﯨﻨﻘﻰ ﮪﻪﭘﺘﯩﻠﻪﺭ ﺟﻪﻧﯟﻩﮔﻪ ﻗﺎﺗﺮﯨﺸﻰ، ﺑﯩﺰﺩﯨﻦ ﺋﯩﻠﮕﯩﺮﻯ ﻛﯧﺘﯩﭗ ﺧﻪﻟﻘﺎﺭﺍ ﺗﻪﺷﻜﯩﻼﺗﻼﺭ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺋﯩﭽﻜﯩﻲ ﻳﯩﻐﯩﻨﻠﯩﺮﯨﻨﯩﯔ ﭘﺎﻳﺪﯨﺴﻰ ﺋﯚﺯﯨﻨﻰ ﻛﯚﺭﺳﻪﺗﻜﻪﻥ ﺋﯩﺪﻯ. ﻧﻪﺗﯩﺠﯩﺪﻩ، ﺏ ﺩ ﺕ ﺧﺎﺩﯨﻤﻠﯩﺮﻯ ﺑﺎﺷﻘﺎ ﭘﯜﺗﯜﻥ ﻣﻪﺳﯩﻠﯩﻠﻪﺭﻧﻰ ﺑﯩﺮﭼﻪﺗﻜﻪ ﻗﺎﻳﺮﯨﭗ ﻗﻮﻳﯘﭖ، ﺟﺎﺯﺍ ﻻﮔﯩﺮﻟﯩﺮﻯ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺋﯩﭽﻜﯩﺮﯨﻠﻪﭖ ﺳﻮﺭﺍﺷﻘﺎ ﺑﺎﺷﻠﯩﺪﻯ. ﺋﺎﻣﯧﺮﯨﻜﯩﺪﯨﻦ ﻛﻪﻟﮕﻪﻥ ﺑﯩﺮ ﻧﻪﭘﻪﺭ ﻛﯩﺸﯩﻠﯩﻚ ﮪﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﯞﻩ ﻳﺎﯞﺭﯗﭘﺎﺩﺍ ﻳﺎﺷﺎﻳﺪﯨﻐﺎﻥ ﺑﯩﺮ ﻧﻪﭘﻪﺭ ﺧﯩﺘﺎﻱ ﻛﯩﺸﯩﻠﯩﻚ ﮪﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﮔﯘﯞﺍﮪﻠﯩﻖ ﺑﯧﺮﯨﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺷﻪﮪﻪﺭ ﻛﻮﭼﯩﻠﯩﺮﯨﻨﯩﯔ ﻗﯘﺭﯗﻏﺪﯨﻠﯩﭗ ﻗﺎﻟﻐﺎﻧﻠﯩﻘﻰ، ﺑﺎﺯﺍﺭﻻﺭﺩﺍ ﮪﻪﻣﻤﻪ ﺩﯗﻛﺎﻧﻼﺭﻧﯩﯔ ﺩﯦﮕﯜﺩﻩﻙ ﺗﺎﻗﺎﻗﻠﯩﻘﻰ، ﺋﯘﻳﻐﯘﺭﻻﺭ ﺗﯜﮔﯜﻝ، ﺳﯩﺮﺗﺘﯩﻦ ﻛﻪﻟﮕﻪﻥ ﺧﯩﺘﺎﻳﻼﺭﻧﯩﯖﻤﯘ ﻗﻮﻝ ﺗﯧﻠﯧﻔﯘﻧﻠﯩﺮﻯ، ﻛﻮﻣﭙﯩﻴﯘﺗﯧﺮﻟﯩﺮﯨﻨﯩﯔ ﻗﺎﺗﺘﯩﻖ ﺗﻪﻛﺸﯜﺭﯨﻠﯩﯟﺍﺗﻘﺎﻧﻠﯩﻘﻰ، ﺋﺎﺯ ﺩﯦﮕﻪﻧﺪﻩ 3 ﻣﯩﻠﻴﻮﻥ ﺋﯘﻳﻐﯘﺭﻧﯩﯔ ﺟﺎﺯﺍ ﻻﻏﯩﺮﻟﯩﺮﯨﻐﺎ ﻗﺎﻟﻤﺎﻟﻐﺎﻧﻠﯩﻘﻰ، ﺋﯚﺯﻟﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺑﯩﯟﺍﺳﺘﻪ ﺯﯨﻴﺎﺭﻩﺕ ﻗﯩﻠﯩﭗ ﺗﻮﭘﻼﭖ ﻛﻪﻟﮕﻪﻥ ﻣﺎﺗﯧﺮﯨﻴﺎﻟﻠﯩﺮﻯ ﺑﺎﺭﻟﯩﻘﯩﻨﻰ ﺑﺎﻳﺎﻥ ﻗﯩﻠﯩﺸﺘﻰ. ﺑﯘﻻﺭﻧﯩﯔ ﺑﺎﻳﺎﻧﻠﯩﺮﻯ ﺩ ﺋﯘ ﻕ ﻧﯩﯔ ﺋﺎﻟﺪﯨﻦ ﻳﻮﻟﻠﯩﻐﺎﻥ ﺩﻭﻛﻼﺗﻠﯩﺮﯨﻨﻰ ﺗﻪﺳﺘﯩﻘﻠﯩﻐﺎﻥ ﯞﻩ ﻛﯜﭼﻠﻪﻧﺪﯛﺭﮔﻪﻥ ﺋﯩﺪﻯ. ﺋﯘﻳﻐﯘﺭﻻﺭﻧﯩﯔ ﺋﺎﯞﺍﺯﻯ ﺭﺍﺳﺘﻘﺎ ﺋﺎﻳﻠﯩﻨﯩﯟﺍﺗﺎﺗﺘﻰ.

3 ﺳﺎﺋﻪﺕ ﺩﺍﯞﺍﻡ ﻗﯩﻠﻐﺎﻥ ﺑﯘ ﻳﯩﻐﯩﻨﺪﺍ، ﺋﻪﻟﯟﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺩﯨﻨﯩﻲ ﺯﯗﻟﯘﻡ، ﺋﯘﻳﻐﯘﺭﻻﺭﻧﯩﯔ ﺗﯩﻞ، ﻣﺎﺋﺎﺭﯨﭗ، ﻣﻪﺩﻩﻧﯩﻴﻪﺕ ﯞﻩ ﺋﯚﺭﭖ – ﺋﺎﺩﻩﺗﻠﯩﺮﯨﻨﯩﯔ ﺩﻩﭘﺴﻪﻧﺪﻩ ﻗﯩﻠﯩﻨﯩﺶ ﺋﻪﮪﯟﺍﻟﻠﯩﺮﯨﻤﯘ ﺗﻪﭘﺴﯩﻠﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ.

ﺑﯘ ﻳﯩﻐﯩﻦ ﺗﯜﮔﯩﺸﻰ ﮪﺎﻣﺎﻥ، ﺏ ﺩ ﺕ ﺧﺎﺩﯨﻤﻠﯩﺮﻯ ﻗﺎﻳﺘﯩﭗ ﻛﻪﺗﺘﻰ ﯞﻩ ﺧﻪﻟﻘﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﯞﻩﻛﯩﻠﻠﯩﺮﯨﻨﯩﯔ ﺋﺎﻳﺮﯨﻢ ﻳﯩﻐﯩﻨﻰ ﺑﺎﺷﻼﻧﺪﻯ. ﺑﯘ ﻳﯩﻐﯩﻨﺪﺍ ﺩﯨﻘﻘﻪﺗﻨﻰ ﭼﻪﻛﻜﻪﻥ ﻧﯘﻗﺘﺎ ﺷﯘﻛﻰ، 20 ﻧﻪﭘﻪﺭ ﻛﯩﺸﯩﻠﯩﻚ ﮪﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺋﻪﺗﻪ 10 – ﺋﺎﯞﻏﯘﺳﺖ ﺋﯚﺗﻜﯜﺯﯨﻠﯩﺪﯨﻐﺎﻥ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﮪﻮﻗﯘﻕ ﯞﻩﺯﯨﻴﯩﺘﯩﻨﻰ ﻛﯚﺯﺩﯨﻦ ﻛﯚﭼﯜﺭﯛﺵ ﻳﯩﻐﯩﻨﯩﺪﯨﻦ ﺑﯘﺭﯗﻥ ﭼﯜﺷﺘﻪ ﭼﺎﻗﯩﺮﯨﻠﯩﺪﯨﻐﺎﻥ ﻳﻪﻧﻪ ﺑﯩﺮ ﺋﯩﭽﻜﯩﻲ ﻳﯩﻐﯩﻨﻨﯩﯔ ﺗﻪﻳﻴﺎﺭﻟﯩﻘﯩﻨﻰ ﻗﯩﻠﺪﻯ. ﺑﯘ ﻳﯩﻐﯩﻨﻤﯘ ﺏ ﺩ ﺕ ﺋﯧﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻛﻮﻣﯩﺘﯧﺘﯩﻨﯩﯔ ﺑﺎﺭﻟﯩﻖ ﺋﻪﺯﺍﻟﯩﺮﻯ ﺑﯩﻠﻪﻥ ﺋﯚﺗﻜﯜﺯﯨﻠﯩﺪﯨﻐﺎﻥ ﻳﯩﻐﯩﻦ ﺑﻮﻟﯘﭖ، ﮪﻪﺭﺑﯩﺮ ﻛﯩﺸﯩﻠﯩﻚ ﮪﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﯩﮕﻪ ﭘﻪﻗﻪﺗﻼ 1 ﻣﯩﻨﯘﺕ ﯞﺍﻗﯩﺖ ﺑﯧﺮﯨﻠﮕﻪﻥ ﺋﯩﺪﻯ. ﺑﯘ ﺑﯩﺮ ﻣﯩﻨﯘﺕ ﯞﺍﻗﯩﺘﺘﯩﻦ ﺋﯜﻧﯜﻣﻠﯩﻚ ﭘﺎﻳﺪﯨﻠﯩﻨﯩﭗ، ﺏ ﺩ ﺕ ﺧﺎﺩﯨﻤﻠﯩﺮﯨﻨﯩﯔ ﻛﺎﻟﻠﯩﺴﯩﺪﺍ ﺋﯩﺰ ﻗﺎﻟﺪﯗﺭﯗﺵ ﺯﯙﺭﯛﺭ ﺋﯩﺪﻯ. ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﯩﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﯘ ﻳﯩﻐﯩﻨﺪﯨﻦ ﻻﻳﯩﻘﯩﺪﺍ ﭘﺎﻳﺪﯨﻠﯩﻨﯩﺶ، ﺧﯩﺘﺎﻳﻨﻰ ﺳﻮﺭﺍﻗﻘﺎ ﺗﺎﺭﺗﯩﺸﻘﺎ ﺑﯩﯟﺍﺳﺘﻪ ﺗﻪﺳﯩﺮ ﻛﯚﺭﺳﯩﺘﻪﺗﺘﻰ. ﻛﯩﺸﯩﻠﯩﻚ ﮪﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﮪﻪﺭﺑﯩﺮﻯ ﺑﯩﺮﺩﯨﻦ ﺗﯧﻤﯩﻨﻰ ﺋﯜﺳﺘﯩﮕﻪ ﺋﺎﻟﺪﻯ ﯞﻩ ﺑﯩﺮ ﻣﯩﻨﯘﺕ ﺋﯩﭽﯩﺪﻩ ﺑﯘ ﺗﯧﻤﯩﻨﻰ ﻳﻮﺭﯗﺗﯘﭖ ﺑﯧﺮﯨﺸﻨﻰ ﻣﻪﺷﯩﻖ ﻗﯩﻠﺪﻯ. ﺩﯨﻤﻪﻙ ﺋﺎﺳﺎﻥ ﺑﻮﻟﻐﺎﻥ ﺑﯩﻠﻪﻥ، ﻗﯩﻠﻤﺎﻕ ﺗﻪﺱ ﺋﯩﺶ ﺋﯩﻜﻪﻥ. 1 ﻣﯩﻨﯘﺗﺘﺎ ﺋﺎﺳﺎﺳﻠﯩﻖ ﮔﻪﭘﻨﻰ ﻗﺎﻳﯩﻞ ﻗﯩﻼﺭﻟﯩﻖ ﺭﻩﯞﯨﺸﺘﻪ ﺋﯩﭙﺎﺩﯨﻠﻪﺵ ﺋﯜﭼﯜﻥ ﺗﻪﻛﺮﺍﺭ – ﺗﻪﻛﺮﺍﺭ ﭘﯩﺮﺍﻛﺘﯩﻜﺎ ﻗﯩﻠﯩﺸﻘﺎ ﺗﻮﻏﺮﺍ ﻛﯩﻠﻪﺗﺘﻰ. ﺑﯘﻻﺭ ﺷﯘﻧﺪﺍﻕ ﻗﯩﻠﺪﻯ. ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 5 ﺑﯩﻠﻪﻥ ﺑﯘ ﻳﯩﻐﯩﻨﻤﯘ ﺋﺎﺧﯩﺮﻻﺷﺘﻰ. ﺋﻪﻣﺪﻯ ﻓﺮﺍﻧﺴﯩﻴﻪﺩﯨﻜﻰ ﻳﺎﺗﺎﻗﻘﺎ ﻗﺎﻳﺘﯩﭗ، ﻗﻮﺭﺳﺎﻗﻨﻰ ﺗﻮﻗﻼﺵ ﻻﺯﯨﻢ ﺋﯩﺪﻯ. ﻗﻮﺭﺳﺎﻕ ﻛﻮﻛﯩﺮﺍﭖ ﺗﯘﺭﺍﺗﺘﻰ. ﺋﺎﺭﯨﻠﯩﻘﺘﺎ ﺑﯩﺮ ﺩﺍﻧﻪ ﻗﻪﮪﯟﻩﻧﻰ 10 ﻳﺎﯞﺭﯗﻏﺎ ﺋﯧﻠﯩﭗ ﺋﯩﭽﯩﭗ، ﻗﻮﺭﺳﺎﻕ ﻛﯚﭘﯜﭖ ﻗﺎﻟﻐﺎﻥ ﺋﯩﺪﻯ.

ﻗﺎﻧﺪﺍﻗﻼ ﺑﻮﻟﻤﯩﺴﯘﻥ، ﺑﯜﮔﯜﻧﻜﻰ ﺑﯘ ﻳﯩﻐﯩﻨﻼﺭﺩﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﯩﯔ ﺋﺎﺳﺎﺳﻠﯩﻖ ﻣﻪﺳﯩﻠﻪ ﺳﯜﭘﯩﺘﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺸﻰ ﯞﻩ ﺧﻪﻟﻘﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﺗﺎﻻﺵ – ﺗﺎﺭﺗﯩﺸﺴﯩﺰ ﺑﯘ ﺗﯧﻤﯩﻐﺎ ﭘﯩﻜﺮﯨﻨﻰ ﻣﻪﺭﻛﻪﺯﻟﻪﺷﺘﯜﺭﯛﺷﻠﯩﺮﯨﺪﯨﻦ ﻣﻪﻣﻨﯘﻥ ﺑﻮﻟﻐﺎﻥ ﺋﯩﺪﯗﻕ. ﺗﯩﺒﻪﺗﻠﯩﻚ ﭘﺎﺋﺎﻟﯩﻴﻪﺗﭽﯩﻠﻪﺭ ﯞﻩ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻰ ﺳﯜﭘﯩﺘﯩﺪﻩ ﻳﯧﺘﯩﭗ ﻛﻪﻟﮕﻪﻥ ﺭﺍﮪﯩﭙﻼﺭ <<ﺗﯩﺒﻪﺕ ﻣﻪﺳﯩﻠﯩﺴﯩﭽﯘ؟>> ﺩﻩﭖ ﺗﯘﺭﯨﯟﺍﻟﻤﯩﻐﺎﻥ ﺋﯩﺪﻯ. ﺧﻮﯕﻜﻮﯓ، ﺋﺎﺋﯘﻣﯩﻨﺪﯨﻦ ﻛﻪﻟﮕﻪﻥ ﺧﯩﺘﺎﻳﻼﺭﻣﯘ ﺋﺎﺳﺎﺳﻠﯩﻖ ﺑﻮﻟﯘﭖ ﺑﯩﺰﻧﯩﯔ ﮔﯧﭙﯩﻤﯩﺰﻧﻰ ﻗﯩﻠﯩﯟﺍﺗﺎﺗﺘﻰ.

ﻳﺎﺗﺎﻗﻘﺎ ﻗﺎﻳﺘﯩﭗ ﻛﯧﻠﯩﭙﻼ ﺗﺎﻣﺎﻗﻘﺎ ﺗﯘﺗﯘﺵ ﻗﯩﻠﺪﯗﻕ. ﻗﺎﺯﯨﻨﯩﻨﯩﯔ ﺗﺎﻳﯩﻨﻰ ﺑﻮﻟﻤﯩﻐﺎﭺ، 3 ﻛﯩﺸﯩﻠﯩﻚ ﺳﻪﻱ ﻗﻮﺭﯗﺷﺘﺎ ﺑﻪﻛﻼ ﻗﯩﻴﻨﺎﻟﺪﯗﻕ. ﻛﯩﭽﯩﻜﻼ ﺑﯩﺮ ﺳﺎﭘﻠﯩﻖ ﺋﯩﺪﻯ. ﮔﯜﺭﯛﭺ ﺩﻩﻣﻠﻪﭖ ﻗﻮﻝ ﻗﻮﻟﭽﻪ ﺗﺎﻣﺎﻕ ﻗﯩﻠﺪﯗﻕ. ﺋﺎﺩﻩﺗﺘﻪ، ﺋﯚﺯ ﻳﯧﺮﯨﻤﯩﺰﺩﻩ ﻳﺎﻛﻰ ﺋﯚﻳﺪﻩ ﺋﺎﻧﭽﻪ ﺋﺎﭼﻤﺎﻳﺪﯨﻐﺎﻥ ﺑﯘ ﻗﻮﺭﺳﺎﻕ، ﮔﻮﻳﺎ ﮪﻪﭘﺘﯩﻠﻪﭖ ﺗﺎﻣﺎﻕ ﻳﯩﻤﯩﮕﻪﻧﺪﻩﻙ ﻧﻪﭘﺴﯩﻤﯩﺰﻧﻰ ﺗﺎﻗﯩﻠﺪﯨﺘﺎﺗﺘﻰ. ﺗﺎﻣﺎﻕ ﭘﯩﺸﻘﯩﭽﻪ ﺗﺎﻗﻪﺗﻠﯩﺮﯨﻤﯩﺰ ﺗﺎﻕ ﺑﻮﻟﺪﻯ. ﺋﺎﺧﯩﺮﻯ ﻗﻮﺭﺳﺎﻗﻨﯩﻤﯘ ﺗﻮﻗﻼﭖ، ﺋﻪﺗﯩﻜﻰ ﭘﺎﺋﺎﻟﯩﻴﻪﺗﻨﯩﯔ ﭘﺮﻭﮔﺮﺍﻣﻤﯩﻠﯩﺮﯨﻨﻰ ﺗﯜﺯﯛﺷﻜﻪ ﻛﯩﺮﯨﺸﺘﯘﻕ.

ﺟﻪﻧﯟﻩ، ﻗﺎﺗﻨﺎﺵ ﻗﯩﺴﺘﺎﯕﭽﯩﻠﯩﻘﻰ ﺋﻪﯓ ﻛﯚﭖ ﺷﻪﮪﻪﺭﻟﻪﺭﻧﯩﯔ ﺑﯩﺮﻯ ﺑﻮﻟﺴﺎ ﻛﯩﺮﻩﻙ. ﺋﻪﺗﯩﮕﻪﻧﺪﻩ ﺑﺎﻟﺪﯗﺭﺭﺍﻕ ﻳﻮﻟﻐﺎ ﭼﯩﻘﯩﯟﺍﻟﻤﯩﺴﺎﻕ، ﻳﺎﻛﻰ ﺋﯩﺶ ﯞﺍﻗﺘﯩﻐﺎ ﻳﯧﻘﯩﻦ ﭼﺎﻏﻼﺭﺩﺍ ﻗﻮﺯﻏﯩﻠﯩﭗ ﻗﺎﻟﺴﺎﻕ 10 ﻣﯩﻨﯘﺗﻠﯘﻕ ﻳﻪﺭﮔﻪ 1 ﺳﺎﺋﻪﺗﺘﻪ ﺋﺎﺭﺍﻥ ﻳﯧﺘﯩﭗ ﺑﺎﺭﺍﺗﺘﯘﻕ. ﺑﯘ ﺋﯩﺸﻼﺭ ﻛﯚﭖ ﻗﯧﺘﯩﻢ ﺑﯧﺸﯩﻤﯩﺰﺩﯨﻦ ﺋﯚﺗﻜﻪﻥ ﺑﻮﻟﻐﺎﭺ، ﺑﺎﻟﺪﯗﺭﺭﺍﻕ ﺋﻮﺭﻧﯩﻤﯩﺰﺩﯨﻦ ﺗﯘﺭﯗﭖ ﻳﻮﻟﻐﺎ ﭼﯩﻘﯩﺸﻘﺎ ﺋﺎﻟﺪﯨﺮﺍﻳﺘﯘﻕ. ﭘﯩﻼﻥ ﺗﯜﺯﯨﻤﯩﺰ ﺩﻩﭖ ﻛﯩﭽﻪ ﺳﺎﺋﻪﺕ 2 – 3 ﻟﻪﺭﮔﻪ ﻗﻪﺩﻩﺭ ﺋﯘﺧﻠﯩﻤﯩﻐﺎﻧﻐﺎ ﻗﺎﺭﯨﻤﺎﻱ، ﻳﻪﻧﻪ ﺳﻪﮪﻪﺭ ﺳﺎﺋﻪﺕ 6 ﻟﻪﺭﺩﻩ ﺋﻮﺭﻧﯩﻤﯩﺰﺩﯨﻦ ﺗﯘﺭﯗﺷﻘﺎ ﻏﻪﻳﺮﻩﺕ ﻗﯩﻼﺗﺘﯘﻕ.

10 – ﺋﺎﯞﻏﯘﺳﺖ ﺋﻪﺗﯩﮕﻪﻧﺪﻩ ﻳﻪﻧﻪ ﺗﯘﺧﯘﻡ ﻗﻮﺭﯗﭖ ﻧﺎﺷﺘﺎ ﻗﯩﻠﺪﯗﻕ. ﺋﯚﻳﺪﯨﻦ ﺋﯧﻠﯩﯟﺍﻟﻐﺎﻥ ﻧﺎﻥ ﺑﺎﺭ ﺋﯩﺪﻯ. ﻗﻮﺭﺳﺎﻗﻨﻰ ﺋﺎﺯﺭﺍﻕ ﺋﻪﺳﺘﻪﺭﻟﯩﯟﺍﻟﻤﯩﺴﺎﻕ، ﭘﯜﺗﯜﻥ ﺑﯩﺮ ﻛﯜﻥ ﺋﺎﭺ ﻗﯧﻠﯩﺸﯩﻤﯩﺰ ﻣﯜﻣﻜﯩﻦ ﺋﯩﺪﻯ. ﭼﯜﻧﻜﻰ ﺑﯜﮔﯜﻥ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 15:00 ﺩﺍ ﯞﯨﻠﺴﻮﻥ ﻣﻪﺭﻛﯩﺰﯨﺪﻩ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﮪﻮﻗﯘﻕ ﯞﻩﺯﯨﻴﯩﺘﻰ ﻛﯚﺯﺩﯨﻦ ﻛﯚﭼﯜﺭﯨﻠﯩﺪﯨﻐﺎﻥ ﻛﯜﻥ. ﺑﯘﻧﯩﯖﺪﯨﻦ ﺋﯩﻠﮕﯩﺮﻯ، ﺳﺎﺋﻪﺕ 13:30 ﺩﺍ ﺏ ﺩ ﺕ ﺧﺎﺩﯨﻤﻠﯩﺮﻯ ﺑﯩﻠﻪﻥ ﺋﯚﺗﻜﯜﺯﯨﻠﯩﺪﯨﻐﺎﻥ ﺋﺎﺧﯩﺮﻗﻰ ﺳﯚﮪﺒﻪﺕ ﻳﯩﻐﯩﻨﻰ ﺑﺎﺭ. ﺑﯘ ﻳﯩﻐﯩﻨﺪﺍ ﮪﻪﺭﺑﯩﺮ ﻛﯩﺸﻰ 1 ﻣﯩﻨﯘﺕ ﺋﯩﭽﯩﺪﻩ ﺩﻩﺭﺩﯨﻨﻰ ﺋﺎﯕﻠﯩﺘﯩﺸﻰ ﻻﺯﯨﻢ. ﺗﯧﺨﻰ ﺳﺎﺋﻪﺕ 12:00 ﺩﯨﻦ 16:00 ﮔﯩﭽﻪ ﺏ ﺩ ﺕ ﺋﺎﻟﺪﯨﺪﺍ ﺋﯘﻳﻐﯘﺭﻻﺭﻧﯩﯔ ﻧﺎﻣﺎﻳﯩﺸﻰ ﺑﺎﺭ. ﺑﯘ ﻧﺎﻣﺎﻳﯩﺸﻘﯩﻤﯘ ﻗﺎﺗﻨﯩﺸﯩﺶ ﻛﯩﺮﻩﻙ. ﻧﺎﻣﺎﻳﯩﺸﻘﺎ ﺷﯩﯟﯦﺘﺴﺎﺭﯨﻴﻪﺩﯨﻜﻰ ﺋﯘﻳﻐﯘﺭﻻﺭﺩﯨﻦ ﺳﯩﺮﺕ، ﮔﻮﻟﻼﻧﺪﯨﻴﻪ، ﻧﻮﺭﯞﯦﮕﯩﻴﻪ، ﮔﯧﺮﻣﺎﻧﯩﻴﻪ ﻗﺎﺗﺎﺭﻟﯩﻖ ﺋﻪﻟﻠﻪﺭﺩﯨﻦ ﺑﯩﺮﻗﯩﺴﯩﻢ ﯞﻩﺗﻪﻧﭙﻪﺭﯞﻩﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﻛﻪﻟﻤﻪﻛﺘﻪ ﺋﯩﺪﻯ.

ﺑﯩﺰ ﺳﻪﮪﻪﺭﺩﻩ ﺋﺎﻟﺪﻯ ﺑﯩﻠﻪﻥ ﺏ ﺩ ﺕ ﻧﯩﯔ ﯞﯨﻠﺴﻮﻥ ﻣﻪﺭﻛﯩﺰﯨﮕﻪ ﺑﯧﺮﯨﭗ، ﭘﻪﺭﮪﺎﺕ ﻣﯘﮪﻪﻣﻤﯩﺪﻯ ﺋﯩﻜﻜﯩﻤﯩﺰﻧﯩﯔ ﺏ ﺩ ﺕ ﻏﺎ ﻛﯩﺮﯨﺶ ﻛﯧﻨﯩﺸﻜﯩﻤﯩﺰﻧﻰ ﺋﺎﻟﻤﺎﻗﭽﻰ ﺑﻮﻟﺪﯗﻕ. ﺑﯘ ﻛﯩﻨﯩﺸﻜﯩﻨﯩﯔ ﺭﻩﺳﻤﯩﻴﯩﺘﯩﻨﻰ ﺟﻪﻧﯟﻩﮔﻪ ﻛﯧﻠﯩﺸﺘﯩﻦ ﺋﯩﻠﮕﯩﺮﯨﻼ ﺑﯩﺠﯩﺮﯨﭗ ﺑﻮﻟﻐﺎﻥ ﺋﯩﺪﯗﻕ. ﺩﻭﻟﻘﯘﻥ ﺋﻪﻳﺴﺎﻏﺎ ﺏ ﺩ ﺕ ﻣﻪﺭﻛﯩﺰﻯ 1 ﻳﯩﻠﻠﯩﻖ ﺩﻩﺧﻠﯩﺴﯩﺰ ﻛﯩﺮﯨﺶ ﻛﯩﻨﯩﺸﻜﯩﺴﻰ ﺑﯩﺠﯩﺮﯨﭗ ﺑﻪﺭﮔﻪﻥ ﺑﻮﻟﯘﭖ، ﺋﯘﻧﻰ ﺗﻪﻛﺸﯜﺭﯛﺷﻤﯘ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ ﺋﯩﻜﻪﻥ. ﺋﯘ، ﺏ ﺩ ﺕ ﻏﺎ ﮔﻮﻳﺎ ﺋﯚﻳﯩﮕﻪ ﻛﯩﺮﮔﻪﻧﺪﻩﻙ ﻳﺎﻛﻰ ﺏ ﺩ ﺕ ﻧﯩﯔ ﻣﯘﻗﯩﻢ ﺧﯩﺰﻣﻪﺗﭽﯩﺴﯩﺪﻩﻙ ﺑﯩﻤﺎﻻﻝ ﻛﯩﺮﯨﭗ ﻛﯧﺘﯩﯟﯨﺮﻩﺗﺘﻰ. ﺑﯘ ﺑﻮﻟﺴﯩﻤﯘ، ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﯨﻦ ﺋﯩﻠﮕﯩﺮﻯ ﺑﯩﺰﮔﻪ ﻳﻪﺗﻜﯜﺯﯛﻟﮕﻪﻥ ﺑﯩﺮ ﺧﯘﺷﺨﻪﯞﻩﺭ ﺑﻮﻟﻐﺎﻥ ﺋﯩﺪﻯ. ﺋﻪﭘﺴﯘﺳﻜﻰ، ﺏ ﺩ ﺕ ﻧﯩﯔ ﻗﻮﻏﺪﺍﺵ ﺳﺎﻗﭽﯩﻠﯩﺮﻯ ﭘﻪﺭﮪﺎﺕ ﻣﯘﮪﻪﻣﻤﺪﻯ ﺋﯩﻜﻜﯩﻤﯩﺰﻧﯩﯔ ﻛﯩﻨﯩﺸﻜﯩﺴﯩﻨﻰ ﯞﯨﻠﺴﻮﻥ ﻣﻪﺭﻛﯩﺰﯨﺪﻩ ﺋﻪﻣﻪﺱ، ﺑﻪﻟﻜﻰ ﺏ ﺩ ﺕ ﺑﺎﺵ ﺷﯩﺘﺎﺑﯩﺪﯨﻦ ﺑﯩﺠﯩﺮﯨﺸﯩﻤﯩﺰ ﻻﺯﯨﻤﻠﯩﻘﯩﻨﻰ، ﻛﺎﺭﺗﯩﻨﯩﯔ ﯞﯨﻠﺴﻮﻥ ﻣﻪﺭﻛﯩﺰﯨﮕﻪ ﻳﯧﺘﯩﭗ ﻛﻪﻟﻤﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺑﯩﺰ ﺏ ﺩ ﺕ ﺑﺎﺵ ﺷﯩﺘﺎﺑﯩﻐﺎ ﭼﺎﭘﺘﯘﻕ. ﻛﯩﺸﯩﻠﻪﺭ ﻛﯩﺮﯨﺶ ﺭﻩﺳﻤﯩﻴﯩﺘﻰ ﺑﯩﺠﯩﺮﯨﺶ ﺋﯜﭼﯜﻥ ﺋﯘﺯﯗﻥ ﺋﯚﭼﯩﺮﻩﺕ ﺑﻮﻟﯘﭖ ﺗﯩﺰﯨﻠﯩﭗ ﺗﯘﺭﯗﺷﻘﺎﻥ ﺋﯩﺪﻯ. ﮪﻪﺭ ﻗﯧﺘﯩﻢ ﺏ ﺩ ﺕ ﻏﺎ ﻛﻪﻟﺴﻪﻙ، ﺑﯘ ﺋﯚﭼﯩﺮﻩﺗﺘﻪ ﺑﯩﺰﻣﯘ ﺗﯘﺭﺍﺗﺘﯘﻕ ﯞﻩ ﺳﺎﺋﻪﺗﻠﻪﺭﭼﻪ ﺳﺎﻗﻼﻳﺘﯘﻕ. ﺋﺎﺩﻩﻡ ﻛﯚﭖ ﺋﯩﺪﻯ. ﺋﻪﻣﻤﺎ ﺑﯘ ﻗﯧﺘﯩﻢ ﺋﯘﻧﺪﺍﻕ ﺑﻮﻟﻤﯩﺪﻯ. ﺩ ﺋﯘ ﻕ ﺭﻩﺋﯩﺴﻰ ﺋﯚﺯﯨﻨﯩﯔ ﺋﺎﻻﮪﯩﺪﻩ ﻛﺎﺭﺗﯩﻨﻰ ﻛﯚﺭﺳﯩﺘﯩﭙﻼ ﺑﯩﺰﻧﻰ ﺏ ﺩ ﺕ ﺋﯩﭽﯩﮕﻪ ﺋﯧﻠﯩﭗ ﻛﯩﺮﯨﭗ ﻛﻪﺗﺘﻰ ﯞﻩ 5 ﻣﯩﻨﯘﺕ ﺋﯩﭽﯩﺪﻩ ﻛﯩﻨﯩﺸﻜﯩﻤﯩﺰﻧﻰ ﺑﯩﺠﯩﺮﯨﭗ ﻗﻮﻟﯩﻤﯩﺰﻏﺎ ﺗﯘﺗﻘﺎﺯﺩﻯ.

ﺑﯩﺰﻧﻰ ﺗﯧﺨﯩﻤﯘ ﺧﯘﺵ ﻗﯩﻠﻐﯩﻨﻰ، ﺏ ﺩ ﺕ ﻧﯩﯔ ﻛﯧﻨﯩﺸﻜﯩﻤﯩﺰﮔﻪ <<ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﯞﻩﻛﯩﻠﻰ>> ﺩﻩﭖ ﺋﯧﻨﯩﻖ ﻳﺎﺯﻏﺎﻧﻠﯩﻘﻰ ﺋﯩﺪﻯ. ﺋﯘﻧﯩﯖﺪﯨﻨﻤﯘ ﺋﯚﺗﻪ ﺧﯘﺷﺎﻟﻠﯩﻨﺎﺭﻟﯩﻖ ﺑﯩﺮ ﺋﯩﺶ ﺑﻮﻟﺴﺎ، ﺏ ﺩ ﺕ ﻗﻮﻏﺪﺍﺵ ﻣﻪﺭﻛﯩﺰﯨﻨﯩﯔ 1 – ﻗﻮﻝ ﺑﺎﺷﻠﯩﻘﯩﻨﯩﯔ ﺩ ﺋﯘ ﻕ ﺭﻩﺋﯩﺴﻰ ﺩﻭﻟﻘﯘﻥ ﺋﻪﻳﺴﺎﻧﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺑﯩﯟﺍﺳﺘﻪ ﻣﻪﺳﯘﻝ ﺑﻮﻟﯩﺸﻰ، ﺋﯘﻧﯩﯔ ﻛﻪﻟﮕﻪﻥ – ﻛﻪﺗﻜﻪﻥ ﯞﺍﻗﯩﺘﻠﯩﺮﯨﻨﻰ، ﻣﺎﯕﻐﺎﻥ – ﺗﯘﺭﻏﺎﻥ ﺟﺎﻳﻠﯩﺮﯨﻨﻰ ﺋﯧﻨﯩﻖ ﺳﯜﺭﯛﺷﺘﯜﺭﯛﭖ، ﻗﻮﻏﺪﺍﺷﻘﺎ ﺋﺎﺩﻩﻡ ﺗﻪﻳﯩﻨﻠﯩﺸﻰ ﺑﻮﻟﺪﻯ.

ﺑﯩﺰ ﺳﺎﺋﻪﺕ 11:00 ﺩﺍ ﺋﯩﺸﻠﯩﺮﯨﻤﯩﺰﻧﻰ ﺗﯜﮔﯩﺘﯩﭗ، ﺏ ﺩ ﺕ ﺑﺎﺵ ﺷﯩﺘﺎﺑﻰ ﺋﺎﻟﺪﯨﻜﻰ ﻣﻪﻳﺪﺍﻧﻐﺎ ﻳﯧﺘﯩﭗ ﻛﻪﻟﺪﯗﻕ. ﺑﺎﺷﻘﺎ ﺟﺎﻳﻼﺭﺩﯨﻦ ﻛﯧﻠﯩﺪﯨﻐﺎﻥ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺗﯧﺨﻰ ﻛﯧﻠﯩﭗ ﺑﻮﻻﻟﻤﯩﻐﺎﻥ ﺋﯩﻜﻪﻥ. ﺳﺎﺋﻪﺕ 12:00 ﺑﻮﻟﻐﺎﻧﺪﺍ ﻣﻪﻳﺪﺍﻧﻐﺎ ﺋﯘﻳﻐﯘﺭﻻﺭ ﻳﯩﻐﯩﻠﯩﺸﻘﺎ ﺑﺎﺷﻠﯩﺪﻯ. 3 ﭘﯘﺗﻠﯘﻕ ﺋﻮﺭﯗﻧﺪﯗﻗﻨﯩﯔ ﺋﻪﺗﺮﺍﭘﻰ ﺋﺎﻱ ﻳﯘﻟﺘﯘﺯﻟﯘﻕ ﻛﯚﻛﺒﺎﻳﺮﺍﻗﻼﺭ ﺑﯩﻠﻪﻥ ﺗﻮﻟﺪﻯ. ﺑﯘ ﻳﻪﺭﺩﻩ ﺷﯘﻧﻰ ﺋﺎﻻﮪﯩﺪﻩ ﺗﯩﻠﻐﺎ ﺋﺎﻟﻐﯘﻡ ﺑﺎﺭ: ﮔﻮﻟﻼﻧﺪﯨﻴﻪ، ﻧﻮﺭﯞﯦﮕﯩﻴﻪ ﯞﻩ ﮔﯧﺮﻣﺎﻧﯩﻴﻪ ﻗﺎﺗﺎﺭﻟﯩﻖ ﺋﻪﻟﻠﻪﺭﺩﻯ ﺋﺎﺭﯨﻠﯩﻘﻨﻰ ﻳﯩﺮﺍﻕ ﻛﯚﺭﻣﻪﻱ ﺑﯘ ﻧﺎﻣﺎﻳﯩﺸﻘﺎ ﻛﯧﭽﯩﻠﻪﭖ ﻳﻮﻝ ﺑﯧﺴﯩﭗ ﺋﯜﻟﮕﯜﺭﯛﭖ ﻳﯧﺘﯩﭗ ﻛﻪﻟﮕﻪﻥ ﺑﺎﺭﻟﯩﻖ ﻗﯧﺮﯨﻨﺪﺍﺷﻠﯩﺮﯨﻤﺪﯨﻦ ﺋﺎﻟﻼﮪ ﺭﺍﺯﻯ ﺑﻮﻟﺴﯘﻥ. ﮪﻪﺭﺑﯩﺮ ﻗﻪﺩﯨﻤﻰ ﺋﯜﭼﯜﻥ ﻣﯩﯖﻼﺭﭼﻪ ﺳﺎﯞﺍﭘﻼﺭ ﺋﺎﺗﺎ ﻗﯩﻠﺴﯘﻥ! ﺋﺎﭼﻠﯩﻖ، ﺋﯘﺳﺴﯘﺯﻟﯘﻕ، ﮪﺎﺭﻏﯩﻨﻠﯩﻘﻨﯩﯔ ﺩﻩﺭﺩﯨﻨﻰ ﺗﺎﺭﺗﻘﺎﻥ ﺑﯘ ﭘﯩﺪﺍﻛﺎﺭ ﺳﻪﭘﺪﺍﺷﻠﯩﺮﯨﻤﯩﺰﻧﯩﯔ ﮪﺎﻟﯩﻨﻰ ﻛﯚﺯﯨﻤﯩﺰ ﺑﯩﻠﻪﻥ ﻛﯚﺭﺩﯗﻕ. ﺋﯘﻻﺭﻏﺎ ﺭﻩﮪﻤﻪﺗﻠﻪﺭ ﺋﯧﻴﺘﯩﺶ ﮪﻪﺭﺑﯩﺮ ﺋﯘﻳﻐﯘﺭﻧﯩﯔ ﺋﯩﻨﺴﺎﻧﯩﻲ ﺑﯘﺭﭼﻰ ﺩﻩﭖ ﺋﻮﻳﻼﻳﻤﻪﻥ.

ﻧﺎﻣﺎﻳﯩﺸﯩﻤﯩﺰ ﻳﺎﺧﺸﻰ ﺋﯚﺗﺘﻰ. ﺑﯘ ﺋﺎﺭﯨﻠﯩﻘﺘﺎ ﮔﻮﻟﻼﻧﺪﯨﻴﻪﺩﻩ ﻳﻪﻛﻜﻪ ﻧﺎﻣﺎﻳﯩﺶ ﻗﯩﻠﯩﭗ ﺷﯚﮪﺮﻩﺕ ﻗﺎﺯﺍﻧﻐﺎﻥ ﺋﺎﺑﺪﯗﺭﯦﮭﯩﻢ ﻏﯧﻨﻰ ﻗﯧﺮﯨﻨﺪﯨﺸﯩﻤﯩﺰﻣﯘ ﻳﯧﺘﯩﭗ ﻛﻪﻟﮕﻪﻥ ﺋﯩﺪﻯ. ﺋﯘ ﺋﯚﺯﯨﻨﯩﯔ 40 ﻧﻪﭼﭽﻪ ﺧﯩﻞ ﺗﯩﻠﺪﺍ ﺋﯩﻤﺰﺍ ﺋﯧﺘﯩﻠﻐﺎﻥ ﺋﺎﻕ ﻻﺗﯩﺴﯩﻨﻰ ﯞﻩ ﺭﻩﺳﯩﻤﻠﯩﻚ ﻛﯚﺭﯛﻧﯜﺷﻠﯩﺮﯨﻨﻰ ﻧﺎﻣﺎﻳﯩﺶ ﻣﻪﻳﺪﺍﻧﯩﻐﺎ ﻳﯧﻴﯩﭗ، ﻧﺎﻣﺎﻳﯩﺸﻨﯩﯔ ﺳﯜﭘﯩﺘﯩﮕﻪ ﮪﯚﺳﯜﻥ ﻗﻮﺷﺘﻰ. ﺋﺎﺑﺪﯗﺭﯦﮭﯩﻢ ﻏﯧﻨﻰ 10 – ﺋﺎﯞﻏﯘﺳﺘﺘﯩﻦ 13 – ﺋﺎﯞﻏﯘﺳﺘﻘﯩﭽﻪ ﺑﯩﺰﻧﯩﯔ ﺏ ﺩ ﺕ ﺩﯨﻜﻰ ﭘﺎﺋﺎﻟﯩﻴﻪﺗﻠﯩﺮﯨﻤﯩﺰﺩﻩ ﮪﻪﻣﺮﺍﮪ ﺑﻮﻟﺪﻯ. ﻛﯚﭖ ﺋﯩﺸﻼﺭﻧﻰ ﻛﯚﺯﻯ ﺑﯩﻠﻪﻥ ﻛﯚﺭﺩﻯ ﯞﻩ ﻗﻪﻟﺒﯩﮕﻪ ﭘﯜﻛﺘﻰ. ﺑﻪﻟﻜﯩﻢ ﺋﯘﻧﯩﯖﻤﯘ ﺋﺎﯞﺍﺯﻟﯩﺮﯨﻨﻰ ﺋﺎﯕﻠﯩﺸﯩﯖﻼﺭ ﻣﯜﻣﻜﯩﻦ.

ﺩﺍﯞﺍﻣﯩﻨﻰ ﺋﻪﺗﯩﻠﻪﺭﺩﯨﻦ ﻳﻪﻧﻪ ﻳﺎﺯﯨﻤﻪﻥ.