گۈزەلنۇر خانىم دائىرىلەردىن ئىلھام توختىنى يوقلاشنى تەلەپ قىلىدىغانلىقىنى بىلدۈردى

خىتاي دائىرىلىرى تەرىپىدىن «دۆلەتنى پارچىلاشقا قۇتراتقۇلۇق قىلىش جىنايىتى» بىلەن ئەيىبلىنىپ، مۇددەتسىز قاماق جازاسىغا ھۆكۈم قىلىنغان ئۇيغۇر زىيالىيسى ئىلھام توختىنىڭ ئايالى گۈزەلنۇر، ئادۋوكاتلار ئارقىلىق ئۇيغۇر ئاپتونوم رايونلۇق 1-تۈرمە دائىرىلىرىدىن ئېرى ئىلھام توختىنى يوقلاش ھوقۇقىنى تەلەپ قىلىدىغانلىقىنى بىلدۈردى.

ئۈرۈمچى ئوتتۇرا سوتى بۇلتۇر 32-سېنتەبىر كۈنى ئۇيغۇرلارنىڭ قانۇنىي ھەقلىرىنى تەلەپ قىلىپ خەلقئاراغا تونۇلغان ئۇيغۇر زىيالىيسى ئىلھام توختىنى مۇددەتسىز قاماق جازاسىغا ھۆكۈم قىلغان ئىدى. 2014-يىلى، 21-نويابىر كۈنى ئۇيغۇر ئاپتونوم رايونلۇق يۇقىرى سوت ئىلھام توختىنىڭ نارازىلىق ئەرزىنى رەت قىلىپ، مۇددەتسىز قاماق جازاسى ھۆكۈمىنى كۈچكە ئىگە قىلدى.

12-ئاينىڭ 12-كۈنى ئىلھام توختى ئۇيغۇر ئاپتونوم رايونلۇق 1-تۈرمىگە يۆتكەلگەندىن كېيىن، تۈرمە دائىرىلىرى ئىلھام توختىنىڭ ئايالى گۈزەلنۇرغا يازما ئۇقتۇرۇش ئەۋەتىپ، 6-ئاينىڭ 15-كۈنىگە قەدەر «ئىلھام توختىنى يوقلاشقا رۇخسەت قىلىنمايدىغانلىقى» نى ئۇقتۇرغان. ئەينى چاغدا رادىئومىز زىيارىتىنى قوبۇل قىلغان گۈزەلنۇر خانىم ئىلھام توختىنىڭ ئادەتتىكى مەھبۇسلار بەھرىمەن بولىدىغان ئۇرۇق-تۇغقانلىرىنىڭ تۈرمىگە كېلىپ يوقلاش ھوقۇقىدىنمۇ مەھرۇم قىلىنغانلىقىغا نارازىلىقىنى بىلدۈرگەن ئىدى

http://www.rfa.org/uyghur/qisqa_xewer/ilham-toxti-01062015154023.html