جۇمھۇرىيەت مەيدانىدا مۇراسىم ئارقىلىق باشلانغان فېستىۋالدا مەھتەر ئۆمىكى تۈركىي قانداشلارنىڭ تۆگىلەر بىلەن كۆچۈشىنى جانلاندۇردى.
قارالىئوغلۇ باغچىسىدا ئاخىرلاشقان فېستىۋال كەڭ خەلق ئاممىسى بىلەن ساياھەتچىلەرنىڭ قىزغىن ئالقىشىغا ئېرىشتى.
چاۋۇشئوغلۇ شەھەر مەدەنىيىتىنى ياشاتقانلىقى ئۈچۈن فېستىۋالنى ئۇيۇشتۇرغانلارغا رەھمەت ئېيتىپ مۇنداق دېدى: «ھەرقانداق بىر شەھەر زامانىۋىلىشىش ۋە مودېرنلىشىش نامىدىن ئۆز مەدەنىيىتىنى ئۇنتۇپ، باشقىلارنى تەقلىد قىلىشقا باشلىسا ۋەيران بولغان بولىدۇ. بۇنى زامانىۋىلىشىش ئەمەس، گۇمران بولۇش دېيىشكە توغرا كېلىدۇ. قانداشلىق مەدەنىيىتىنى ئاداققىچە ياشىتىمىز. ۋەزىپە ئۆتەش جەريانىدا بالقان رايونىدىكى قانداشلىرىمىزغىمۇ ساھىپ چىقتۇق. دەرۋەقە ئۇ يەردىكى قېرىنداشلىرىمىز ئۇدا 100 يىلدىن بۇيان ‹ئانا ۋەتىنىمىز تۈركىيە كېلىپ بىزگە ساھىپ چىقسۇن› دەپ كۈتتى. ئاخىرىدا تۈركىيەمۇ كەلدى. نۆۋەتتە بىز ئۇلارنىڭ بارلىق ئېھتىياجىنى قامداۋاتىمىز. پەقەت بالقان رايونىدىكىلا ئەمەس، دۇنيانىڭ قەيېرىدە بىرەر تۈرك قاندىشىمىز بولسا، تېپىپ ساھىپ چىقىۋاتىمىز، يالغۇز تاشلاپ قويمايۋاتىمىز.»
فېستىۋالغا ئەزەربەيجان، ماكېدونىيە، ئالبانىيە، كوسوۋا، قازاقىستان ۋە داغىستاندىن باشقا يەنە، تۈركىيەنىڭ تەخمىنەن 60 ۋىلايىتىدىن تۈركىي قانداشلار جەمئىيەتلىرى ئىشتىراك قىلدى
تۈركىيە ئاۋازى رادىيوسى خەۋىرى
